U gaar ah dumarka: 10 astaan oo aad ku garan karto nin ku jecel

Wax qarsoon ma aha in ragga iyo dumarka ay dareenkooda jacayl u muujiyaan siyaabo kala duwan.

Halka gabdhuhu ay jecel yihiin in loo sheegto jacaylka, ragguna waxay ka aqristaan indhahooda.

Maanfur waxay idiin soo aruurisay astaamo dhab ah oo aad ku garan karto ninka ku jecel.

1- Wuu ku dhageysanayaa

Marar badan ayay dhacdaa inaan dadka la wadaagto sheekooyin aan xiiso lahayn, intooda badanna dhag jalaq uma siiyaan, ama madaxa ayay ruxaan iyagoo iska dhigaya inay ku dhageysanayaan.

Haddii uu nin xasuusto sheekooyinka ku saabsan qoyskaaga iyo qaraabadaada, taas micnaheedu waa inuu mudnaan siiyo hadalladaada.

Wuu ku dhageystaa. Sida uu u jecel yahay inuu agtaada joogo ayaa ka caawineysa inuu maskaxdiisa ku qabto dhammaan macluumaadka kasoo baxa afkaaga.

2- Waad ka il heleysaa durbadiiba

Ninka wax jecel khaldkiisa si dhakhso ah ayuu u qirtaa, waana laga il helaa, laakiin taas ma aha wax uu ku faraxsan yahay. Waa ku talagal iyo dulqaad uu ka keenayo jacaylka haya.

Wuxuu qaddariyaa fikradda haweeneydiisa.

3- Mar kasta isaga ayaa xal raadiya

Dadka qaar waxay ku xisaabtamaan in wax la kala qeybsado, haddey ahaan lahayd howl u baahan fulin iyo haddii fikrad la doonayaba.

Hase yeeshee, mar walba ninka wax jecel isaga ayaa dusha iska saara fulinta howlaha iyo xal u raadinta caqabadaha, wax mas’uulad ahna kuma saarayo adiga.

Tusaale ahaan, wuxuu jecel yahay in uu adiga kugu caawiyo dhammaan xirfadaha uu leeyahay.

4- Kama soo hor jeesto inuu la xiriiro qoyskaaga

Gabdho badan waxaa caadi la ah in ay xiriir la wadaagaan nin iska ilaaliya la hadalka iyo la kulanka waalidiinteeda. Haddaba taasi ma aha astaan fiican.

Ninka ku jecel ku tijaabi in uu waalidkaaga la hadlo. Haddii uu diyaar u yahay inuu isla waqtigaas la hadlo aabbahaa, ogow si dhab ah ayuu kuu jecel yahay.

Dhib kuma aha inuu xitaa la kulmo aabbahaa oo horay militariga uga tirsanaan jiray, ama ayeeyadaa oo qof ad adag ah.

5- Cunto ayuu u kariyaa si uu kaaga farxiyo

Haddii uu nin cunto u kariyo si uu adiga kaaga farxiyo, waa astaan jacayl.

Inta badan, cunto karinta waxay ragga ku tahay culeys, howl badan ayayna uga baahan tahay. Balse adiga dartaa ayuu diyaar ugu yahay.

6- Socdaal ayuu idiin qorsheynayaa mana illoobo taariikhda

Inta badan arggu waxay matalaan inay diyaar u yihiin la kulanka dumarka ay xiriirka la wadaagaan; gabadha ayaana mar walba qorsheysa wax kasta.

Laakiin ninka wax jecel mas’uuliyad gaar ah ayuu arrintaas iska saaraa, xilli kastana wuxuu ka fikiraa inuu qorsheeyo safarro iyo munaasabado lama filaan ah, si uu kaaga farxiyo.

7- Quruxdaada shaki ugama jiro

Waxaa caadi ah in haweenka wajigooda uu mararka qaar u dhalaali waayo sidii loo baahnaa, ama ay ka gaabiyaan agabka la isku qurxiyo.

Ama xitaa waxaa jira mar uu wajigooda xasaasiyad yeesho oo nabro ay kasoo baxaan. Mar ay si aan loo baahneyn u cayilaan ama u caatoobaan.

Intaasoo dhan ninka ku jecel uma muuqdaan, mar kastana wuxuu afka ku hayaa quruxdaada, sababtoo ah jirkaaga ma jecla ee wuxuu jecel yahay qofnimadaada.

8- Wuxuu diyaar u ayahy inuu kuu tanaasulo

Haddii uu baddalo qorshihiisa kaliya si uu adiga kaaga farxiyo, shirar muhiim ahna uu dartaa u baajiyo marka aad xanuunsan tahay, taasi waa astaan muujineysa jacayl dhab ah.

Ninka sidaas sameeya wuxuu kuu caddeeyay inaad tahay qofka ugu muhiimsan noloshiisa.

9- Wuu ku farxaa horumarkaaga, wax aan habbooneyn ayuuna kugu taageeraa

Nin kasta gabadha uu jecel yahay horumarka ay sameyso wuxuu u arkaa mid uu isaga sameeyay.
Waligiis lama tartamo, kama hor imaado balse wuxuu ula dabaaldegaa si wadajir ah. Haddii aad habeen saq dhexe kaddib u baahato in laguu soo iibiyo macmacaan ama laguu kaxeeyo meel, isagoo qanacsan ayuu tallaabo u qaadaa.
Miyuusan kaas ahayn jacayl run ah?
10- Kama cabsado inuu daciifnimadiisa ku tuso
Caqabad weyn ayay ragga ku tahay in la arko marka ay daciif yihiin. Laakiin haddii uu si dhab ah kuu jecel yahay, kama xishoon doono inuu hortaada ku ilmeeyo marka ay wax murugo leh jiraan. Ama inuu kuu qirto inuu daalay.
Arrinta ugu weynna waa inuu kuu qirto sida uu uga cabsanayo inuu ku waayo, maadaama aad tahay meesha daciifnimadiisa ay ka imaaneyso marka uu waayo qofkii u taagnaa. Iyo inaad tahay awooddiisa.

Leave a Reply

Your email address will not be published. Required fields are marked *